Ang panukalang batas, na pangunahing isinulong ni Sen. Robinhood "Robin" Padilla, ay naglalayong protektahan ang mga menor de edad sa mga panganib na dulot ng internet, kabilang ang pagtatakda ng minimum age na 16 taong gulang para sa mga account sa mga age-restricted social media platform.
Makita sa social media pages ng senado ang video na kung saan nagpahayag si Zubiri ng malalim na inis habang tinatalakay ang epekto ng online gambling sa mga pamilyang Pilipino, partikular sa mga bata na madaling ma i-expose sa mga ad nito sa iba't ibang digital platform.
Ang Deklarasyon ni Zubiri
Sa naturang sesyon, iginiit ng senador ang kanyang matinding pagkabahala sa kalagayan ng bansa may kaugnayan sa online gambling, na sa kanyang pananaw ay isang lumalalang suliranin na dapat nang seryosohin ng gobyerno.
Bahagi ng kanyang pahayag ay ang mga sumusunod na linya:
"Ano bang klasing bansa natin Mr. President di ko na talaga ma intindihan ang ating bansa bakit ganito tayo, at hindi na natin natigil itong kalukuhan na ito!"
— isang katanungang inilahad niya habang tinutukoy ang kanyang pagkadismaya sa sitwasyon.
Ang kabuuang detalye ng kanyang mensahe ay bahagi ng mas malawak na talakayan hinggil sa epekto ng online gambling sa kabataan — isyu na matagal nang binabantayan ni Zubiri sa kanyang trabaho bilang mambabatas.
Bakit Ito Mahalaga
Hindi bago sa senador ang paksang ito. Batay sa mga naunang ulat, si Zubiri ang may-akda ng Anti-Online Gambling Act of 2025, isang panukalang batas na naglalayong ipagbawal nang tuluyan ang lahat ng anyo ng online gambling sa Pilipinas — kabilang ang mga digital betting platform, mobile application, at website na nagpapahintulot sa mga gumagamit na tumaya gamit ang kanilang telepono, tablet, o computer.
Sa ilalim ng kanyang panukala, obligado ang mga internet service provider (ISP), mobile network operator, at digital platform na harangan ang access sa mga gambling website at alisin ang mga kaugnay na app sa loob ng 72 oras matapos matanggap ang abiso mula sa Department of Justice (DOJ) o sa Philippine Amusement and Gaming Corporation (PAGCOR).
Sa parehong sesyon noong Setyembre 7, muling binanggit ni Senate Minority Leader Alan Peter Cayetano ang kanyang personal na panawagan na ganap nang ipagbawal ang online gambling, dahil umano ito ay "habit-forming," adiktibo, at pinaka-apektado nito ay ang mahihirap na Pilipino.
Nauna ring binanggit ni Zubiri sa kanyang privilege speech noong Hulyo 2025 na "extremely disappointed" siya nang hindi binanggit ni Pangulong Ferdinand Marcos Jr. ang tungkol sa mga suliranin ng online gambling sa kanyang ikaapat na State of the Nation Address (SONA).
Ang Konteksto ng SB 2424
Ang Child Online Safety and Protection Act ay isinusulong bilang tugon sa lumalaking pangamba tungkol sa kaligtasan ng mga menor de edad sa internet, kasabay ng mga insidenteng kinasasangkutan ng mga estudyante sa bansa. Sa ilalim ng panukala, kinakailangan ng mga platform ang paggamit ng age-assurance system, mga hakbang sa online safety, lokal na representasyon para sa mga dayuhang platform, at pagpapatupad ng Department of Information and Communications Technology (DICT).
Kasama sa mga sumusuporta sa panukala sina Senate President Sherwin Gatchalian, na nagdiin sa panganib ng online violence at extremist influence, at si Zubiri, na nakatuon sa kahalagahan ng gabay ng magulang sa mga bata.
Susunod na Hakbang
Sa kasalukuyan, patuloy pa ang deliberasyon sa Senado hinggil sa SB 2424, habang hinihintay rin ang aksyon sa panukalang Anti-Online Gambling Act ni Zubiri. Hanggang sa kasalukuyan, wala pang opisyal na pahayag mula sa Malacañang o sa PAGCOR kaugnay sa pinakabagong panawagan ng senador.
Mga Sanggunian:
- Senado ng Pilipinas – Opisyal na Website
- Philippine Amusement and Gaming Corporation (PAGCOR)
- Department of Information and Communications Technology (DICT)
- Department of Justice (DOJ)
Paalala: Kinuha ang bahagi ng pahayag ni Sen. Zubiri mula sa social media pages ng senado na inilabas ng Philippine Goverment Cotrolled Media. Hinihikayat ang mga mambabasa na panoorin ang buong video o hintayin ang opisyal na transcript ng Senado para sa kumpletong konteksto ng kanyang pahayag.
Topics: Politcs